Friday, June 11, 2004

கவிதைகள்

கவிதைகள் (*)
--------


உன் கவிதையை நீ எழுதுகிறாய்
அவன் கவிதையை அவன் எழுதிவிட்டான்
இவன் கவிதையை இவன் எழுதுவான்

என் கவிதையை நான் எழுதாமல்
ஊர்உறங்குமிப் பின்னிரவில்
சாலைதடதடக்க முன்பின்னாய்
ரோடுரோலரில் உருளுகிறேன்

சோளப்புலத்தில் பறவையோட்டி
பருத்திக்காட்டில் பிஞ்சுபொறுக்கி
எத்தனை நாட்கள் திரிந்தோம்

ஒரு நல்ல நட்பை
ஒரு நல்ல கவிதை
பிரித்துவிட்டது பார்த்தாயா இன்று



-------------
(*) 'உன் கவிதையை நீ எழுது' - பசுவைய்யா

1 comment:

icarus prakash said...

* நீங்களும் ஜோதியில் கலந்துட்டீங்க போலிருக்கே :-)