Monday, August 30, 2004

களிப்பாடல்

எல்லைகள் அமைத்து விட்டு
எண்திசையும் குறிவரைந்து
உள்ளே வந்தமர்ந்தேன்
ஊர்ந்து நுழைந்தவர்கள்
உடைத்துப் பாய்ந்தவர்கள்
கள்ளச் சாவியிட்டு
கதவு பெயர்த்தடைந்தவர்கள்
எல்லோரும் புலம் நிறைய
அய்யோ அய்யய்யோவென
அசைந்திடியும் மணல் நகரம்
கரைந்தழிந்த எரிமடல்கள்
தாவிச் சிறகடித்து
தணல் பெய்து உயிர்பொசுக்கி
ஓடிப் பறந்த என்
செல்லக்கிளி வகைகள்
முகம் மட்டும் காட்டி
முறுவலித்த மூடியெல்லாம்
டப்டப் பென வெடிக்க
எல்லோரும் சேர்ந்திசைக்கும்
எதிர்மடக்குக் களிப்பாடல்
ஆஹா என்சொல்வேன்
ஆண்டவனே படைத்துப் போந்த
அண்டம் இதுவன்றோ
இதற்கும் இணை உண்டோ

No comments: