எறிந்த விமானங்கள்

நிலவு போய்ச்சேர எறிந்த விமானங்கள்
உள்/வெளி பேதம் மறந்து அலையும் கனப்பரப்பு.
கற்கள் பெயரக் கலைந்தோடும் எறும்பின் கூட்டம்.
தழலும் கருவேலம் புகையும்
குழல்வழி சென்று நிரப்பிய
அம்மாவின் மூச்சுப்பைகள்
போல்
முப்பரிமாணத்தில் விரியும் இம்மாநகர்
இன்னும் எவ்வளவு கொள்ளும்?
படர்சிதைவுச் சமவெளியின் அப்பால்
மலைச் சரிவுகளில் அளையும்
ஊர்திகளின் தொலைமுடுக்குப் பொறிகள்
இயக்க வரிசையில் நிற்கும் நான் கேட்கிறேன்:
உயிர்வளியை அடக்கிச் செல்லும் குழல் வர்த்தகா
வேகும் அரிசியின் மணம் போன்றதா நிணமும்.



-